......................?

என்ன எழுத..?
யாரைப் பற்றி எழுத..?

தலைப்பு என்ன- கைவசம்
கருவும் கிடையாது ........

வலி இல்லை- சிறிதே
சந்தோஷமும் இல்லை..

பிறப்பும் இல்லை- இக்கணம் வரை
மரணமும் இல்லை....

எழுத தூண்டுவது யார்……?
படைப்பளியா..?
வாசகனா..?

எதைப் பற்றி எழுத..?
காதலையா..?
பிரிவையா..?

வடிவம் என்ன..?- கதையா..?
கவிதையா..?

குறிலா…?
நெடிலா..?

பதிக்கப் போகிறேனா..?- சுக்குச் நூறாய்
கிழித்தெறியப் போகிறேனா..?

உந்தித் தள்ளுவது- அமானுஷ்யமா..?
வெற்றிடமா..?

வெள்ளை ஓவியமாய்...........
நிசப்தத்தின் இசையாய்...................

முழுமையாய் இக்கவிதை…
ஊருக்கு சொல்லாமல் _ என்றோ பூப்படைந்த
ஏழைப் பெண்ணாய்..

இதோ இக்கவிதை-மேற் சொன்ன வரிகளில்
எங்கோ ஒரு (வரிக்) கவிதை……….

தட்டுங்கள் ,கதவு திறக்கட்டும்
தேடுங்கள், கவிதை கிடைக்கட்டும்….....