சரியும் ...... ? தவறும் ..............?

"தவறு" என்கின்ற முடிவின் முடிவில் - எனது
ஆண்மை (அமிலச்) சோதனைக்குள்ளாகிறது

"சரி" என்ற முடிவின் தொடக்கத்தில் -இது
போன்ற இன்னும் எத்தனை என்ற
தேடல் தொடங்குகிறது

>>>>>>>>>><<<<<<<<<<<<<<<<<<<<<<

ஒரு முழு வட்டப் பந்தின் - இரு
அரை கோளங்கள்
எனது நடத்தையை நிர்ணயிக்கும் எடைக் கற்களாய்
இடைத் தராசுக்கு இடையே ................

>>>>>>>>>><<<<<<<<<<<<<<<<<<<<<<

என்னை ஈர்ப்பது எது ..?- இட வலமாய்
வடிவமா..?
அளவா...?
வண்ணமா..?
வண்ணத்துக்குள் வண்ணமா ...........?
வண்ணத்துக்குள் வண்ணத்துக்குள் வண்ணமா ...........?- அல்லது
விபத்தாய் உரசிச் செல்லும் உணர்வா.......?

>>>>>>>>>><<<<<<<<<<<<<<<<<<<<<<

இத்தனை இரவுகள் கடந்த பின்பும்
தீண்டல் சுவை தெரிந்த பின்பும்
உரித்த வெங்காய விதையாய் - ஆசை
மறைந்த பின்பும்

தேடலும், முடிவும் ஒருங்கே சங்கமித்த பின்பும் -தேடும்
...........பொருள்
............இடம்
............அளவு
............சுவை
பிடிபட்ட பின்பும் - (தினம்) தொடர்கிறது
எனது பிரார்த்தனை மற்றும்
பாவ மன்னிப்புப் பட்டியல் .......................

>>>>>>>>>><<<<<<<<<<<<<<<<<<<<<<


வாழ்க்கை என்னும் சிறிய முள்ளுக்கும்
காமம் என்னும் பெரிய முள்ளுக்கும்- இடையே
வட்டத் தனி ஊசலாய்(பெண்டுலமாய்)
அசைந்து கொண்டிருக்கிறது

எனது நேர்மை

ஒவ்வொரு நொடிப் பொழுதும்
இங்கும் அங்குமாய்- முழு பந்தின்
அரை கோளத் தாக்குதல்களால்.............................

2nd May 2012
Indigo Airlines
Bangalore- Newdelhi

மரண பய அனுபவத்திற்கு சில நொடிகளுக்கு முன் ........

பகிர்தல் என்றொரு ஆனந்தம்

"மேளச் சத்தம் கேட்கிறது - பொண்ணு பாக்க வாறிங்களா"

வழக்கம் போல் பக்கத்து வீட்டு மீனாக்கா குரல்

தாழ்வாரத்து ஜன்னல் வழியே -புது

மனதம்பதியின் கெட்டி மேளச் சத்தம்

எங்கள் தோட்டத்து தெருமுக்கில்

கேட்கும் பொழுது ...............

------------------------------------------

கிடைத்த சில நொடிகளில்

விடு விடுவென நடந்துச் சென்று பார்த்து - மூச்சு வாங்க

சந்தோஷத்துடன் பகிர்பவை பல

கூர் மூக்கு ........

வட்ட நெற்றி .........

மூக்கு எடுப்பா ...........

(வலது) கண்ணு கொஞ்சம் சாயல் .............

மாங்கலரு...............

பொண்ண விட அவங்க அம்மா நல்ல அழகு ...........

பையன் கலரு(க்கு) கொஞ்சம் கம்மி ...........

தெத்து பல்லு .......

பையன் உயரம் இல்ல ...................

------------------------------

மேளச் (நாதஸ்வர) சத்தம்

தெரு முனை கடக்கும் வரை

பக்கத்து வீட்டு சந்திர அக்கா

அடுத்த வீட்டு பானு அத்த

எதிர் வீட்டு ரவியோட பாட்டி

இவர்களோடு புது மணப்பெண்ணை எடை போடும்

அம்மாவின் மனம்

எடை போடத் துடிக்கிறது - இன்றுவரை

மேற்கூறியவை பற்றி

அந்த அக்கா, பாட்டி,அத்தையிடம்

தன் வீட்டு மருமகளை............................