ஜில்லு................சாப்பிட்டு போடா ..................
வெந்து அவிந்த - கையில் மாவு ஒட்டாத
இட்டிலியை (கைக்கெட்டிய) தட்டில்
குழம்பு மிளகாய் தூளில் - நாலு பூண்டு பல்லை நசுக்கிப் பரிமாறிய
அத்தையின் நினைவுகள் - எப்போதாவது இட்லி செய்யும்
சில பட்டினி (பிரமச்சரிய ) இரவுகளில்
மிளகாய் தூளுக்கு பூண்டு பல்லு நசுக்கும் போது ..........................
--------------X---------------------------------
எதிர் பாரா விதமாய் கலந்து கொண்ட -அந்த அத்தையின் (மரணத்திற்கு பின் )
முப்பது கும்பிடும் நிகழ்வில்
நான் பரிமாறிய சாம்பாரின் மணம் - நினைவூட்டிச் செல்கிறது -அவள் இருப்பை - ஏதோ ஒரு இலையின் முன் ....................
--------------X-----------------------------------
பரிமாறும் அறை முழுவதும் விரவிக் கிடக்கிறது - அவள்
என்றோ என் பசியாற்றிய பீன்ஸ்-கேரட் சாம்பாரின் மணம்
நான் மூன்று பந்தி பரிமாறிய
அடுத்த தெரு அம்பிகா பவன் ஹோட்டல் சாம்பரில் இருந்து.........
---------------X-----------------------------------
ஜில்லு................சாப்பிட்டு போடா ..................
